Süni intellekt ilk dəfə məhkəmə işində qalib gəldi

Böyük Britaniya hüquq praktikasında ilk dəfə olaraq, iddiaçı süni intellektdən istifadə edərək məhkəmə işində qalib gəlib.
Yeniavaz.com xəbər verir ki, bu barədə “The Guardian” qəzeti məlumat yayıb.
Məlumata görə, süni intellekt sistemi 7000 funt sterlinq borcun geri alınması üçün bütün məhkəməyəqədər hazırlıqları müstəqil şəkildə həyata keçirib və iddiaçının London məhkəməsində qələbəsini təmin edib.
Məhkəmə iddiaçının iddiasını tam şəkildə təmin edib.
İddiaçı, insan resursları üzrə məsləhətçi Tamires Kamal Takidir hüquqi məktub hazırlamaq və iddia qaldırmaq üçün “Garfield AI” şirkətinə təxminən 400 funt sterlinq (təxminən 900 manat) ödəyib.
Şirkətin texnologiyasına 2024-cü ilin aprel ayında Vəkillərin Tənzimləmə Orqanı tərəfindən 10 000 funt sterlinqə qədər borcların geri alınması üçün icazə verilib.
Süni intellekt sistemi üç saatlıq məhkəmə iclası üçün şahid ifadələri və geniş sənədlər paketi hazırlayıb.
Məhkəmədə iddiaçını təmsil etmək üçün bir vəkil işə götürülüb.
Hüquq firmasının həmtəsisçisi Filip Yanq bu qərarı tarixi adlandırıb. O izah edib ki, ölkədəki kiçik şirkətlər borclarını silmək məcburiyyətində qalırlar, çünki məhkəmə xərcləri bəzən ödənilən borcun məbləğini üstələyir. Yanq hesab edir ki, süni intellektdən istifadə bu cür firmalara hüquqi xərcləri əhəmiyyətli dərəcədə azaltmağa kömək edəcək.