ABŞ Senatı Vaşinqton administrasiyasını İrana qarşı hərbi əməliyyatları dayandırmağa çağıran qətnamə qəbul edib.
Yeniavaz.com xəbər verir ki, 50 senator sənədin lehinə, 48 senator isə əleyhinə səs verib.
Hakim Respublikaçılar Partiyasının dörd üzvü qətnamənin lehinə səs verib. Yalnız Demokratlar Partiyasının bir üzvü əleyhinə səs verib.
Oxşar sənəd iyunun əvvəlində Nümayəndələr Palatasında təsdiqlənib. Burada söhbət Konqresin hər palatasında ayrıca qəbul edilmiş qətnamədən gedir. Onların heç bir hüquqi qüvvəsi yoxdur və tövsiyə xarakteri daşıyır. Bu cür sənədlərdə qanunvericilər öz mövqelərini bildirirlər. ABŞ icra hakimiyyətinin onları qəbul etməmək hüququ var.
Qətnamədə ABŞ Prezidenti Donald Trampın Amerika qüvvələrini İrana qarşı döyüş əməliyyatlarından geri çəkməli olduğu bildirilir.
Tətbiqimizi yükləyə bilərsiniz
