ABŞ prezidenti Donald Tramp Ağ evə gəlişinin ilk həftəsində ilk növbədə hansı məsələlərə diqqət ayıracağını açıqlayıb. “Yeniavaz.com”un TASS-a istinadən verdiyi məlumata görə, D. Tramp “Tvitter” səhifəsində yazıb ki, ilk iş həftəsində əsas diqqəti yeni iş yerlərinin açılmasına və milli təhlükəsizliyinin təmin edilməsinə yönəldəcək. O yazıb: “Qarşıda gərgin həftə var. Yerli vaxtla saat 09:00-da yüksəkvəzifəli şəxslərlər görüşüm gözlənilir”. Xatırladaq ki, D. Tramp andiçmə günündə ilk fərmanlarını imzalamışdı. Onlardan biri istefada olan general Ceyms Mettisin müdafiə naziri olmasına imkan verən qanun layihəsi olub.