Cənubi Koreyanın “Samsung” şirkəti vəd etdiyi kimi “Galaxy Note 7” mobil telefonlarının öz-özünə alışmasının səbəbinin araşdırılmasının nəticələrini açıqlayıb. “Yeniavaz.com”un “Komsomolskaya pravda” qəzetinə istinadən verdiyi məlumata görə, bu məqsədlə Seulda təşkil edilmiş xüsusi mətbuat konfransında bildirilib ki, alışmaya səbəb akkumlyatorlardakı nasazlıqlar və yığılma zamanı yol verilmiş qüsurlar olub. Şirkət alıcıları və tərəfdaşlarından üzr istəyib və bundan sonra belə səhvlərə yol verməyəcəyini vəd edib. Xatırladaq ki, ötən il sentyabrın əvvəlində “Samsung” akkumlyatordakı problemlərə görə “Galaxy Note 7” yeni smartfonun geri qaytarılması və satışının dayandırıldığını elan etmişdi.
Tətbiqimizi yükləyə bilərsiniz
