“The Guardian” qəzeti İranın Minab şəhərində qızlar məktəbinə müharibənin ilk günündə baş verən və yerli mənbələrə və nəticələrin qiymətləndirilməsinə görə, əksəriyyəti uşaq olan ən azı 175 nəfərin ölümünə səbəb olan hücumla bağlı araşdırma aparıb.
Yeniavaz.com xəbər verir ki, Britaniya mediasında dərc olunan araşdırmaya görə, zərbə “Tomahawk” qanadlı raketi ilə endirilib.
“Hadisədən təxminən dörd ay sonra Pentaqon sonradan məktəb kimi müəyyən edilən obyektin niyə vurulduğunu açıq şəkildə izah etməyib. Mənbələr bildirirlər ki, daxili araşdırma hələ də bağlı qalıb və nəticələri məxfi saxlanıla bilər.
Hücumdan dərhal sonra ABŞ Prezidenti Donald Tramp bunun səhv olduğunu və zərbənin qəsdən edilmədiyini açıqlayıb. Əvvəlcə obyektin İslam İnqilabı Keşikçiləri Korpusu ilə əlaqəli ola biləcəyi barədə də fərziyyələr irəli sürülsə də, sonradan hədəfin iddia edilən hərbi obyektə bitişik ərazi ola biləcəyi və səhvin məktəbin mövcudluğunu əks etdirməyən köhnəlmiş hədəfləmə məlumatlarından qaynaqlandığı bildirilib”, - məşr yazır.
Məqalədə Müdafiə Naziri Pit Heqsetin rəhbərliyi altında Pentaqonun siyasətindəki dəyişikliklərə də diqqət yetirilir:
“Mülki itkilərin qiymətləndirilməsi və mülki itkilərlə bağlı hadisələrin təhlili üçün məsul olan bölmələr azaldılıb və ya ləğv edilib ki, bu da tənqidçilərin fikrincə, nəzarət mexanizmlərini zəiflədir”.
Qəzetin istinad etdiyi Amerika rəsmiləri və Müdafiə Nazirliyinin keçmiş işçiləri istintaqın ictimai nəticələrə çatacağına və ya məsuliyyətə səbəb olacağına şübhə ilə yanaşırlar. Qeyd edilir ki, Konqres də ABŞ administrasiyasından izahat almaqda çətinliklərlə üzləşir.
Vəziyyət, ABŞ-nin əvvəlki hərbi əməliyyatları zamanı baş verən bir sıra digər böyük hadisələrlə, o cümlədən çoxsaylı mülki itkilərin qeydə alındığı Mosul və Kunduzdakı hücumlarla müqayisə edilir.
İstintaqa görə, ilkin tapıntılar əsas amilin kəşfiyyat məlumatlarının vaxtında yenilənməməsi olduğunu göstərir:
“İddia edilən hədəfin yaxınlığında yerləşən bir obyekt məktəb kimi müəyyən edilməyib və zərbə üçün məqbul hədəf hesab edilməsi problem kimi görülməyib”.
Tətbiqimizi yükləyə bilərsiniz
