Vens İsveçrəyə getməkdən imtina etdi – ABŞ-İran danışıqları təxirə salındı

İyunun 19-da Bürgenştokda keçirilməsi planlaşdırılan ABŞ-İran danışıqları baş tutmayacaq.
Yeniavaz.com xəbər verir ki, bu barədə “Reuters” agentliyi İsveçrə Xarici İşlər Nazirliyinə istinadla məlumat yayıb.
Görüşün ləğv edilməsinin səbəbləri açıqlanmayıb. Həmçinin, yeni tarix barədə də məlumat verilməyib.
Digər tərəfdən, Ağ Ev hələlik ABŞ və İranın İsveçrədə ikitərəfli anlaşma memorandumunu imzalamaq və texniki danışıqlara başlamaq planları barədə razılığa gəlmədiklərini bildirib. Bu barədə jurnalistlərə ABŞ vitse-prezidenti C.D. Vensin mətbuat katibi məlumat verib.
Həmçinin, ABŞ-nin vitse-prezidentinin mətbuat katibi C.D. Vensin ABŞ və İran arasında anlaşma memorandumunun imzalanma mərasimi üçün İsveçrəyə səfər etməyi planlaşdırmadığını bildirib.
Digər tərəfdən, “Axios” portalı ABŞ vitse-prezidenti C.D. Vensin İsveçrəyə səfərini təxirə salmasına Tehranın Livanla bağlı mövqeyinin səbəb ola biləcəyini qeyd edib.