Türkiyədə aparılan narkotik istintaqı çərçivəsində aktyor Erdem Kaynarca saxlanılıb.
Yeniavaz.com jurnalist Birsen Altuntaşa istinadla xəbər verir ki, əməliyyat polis tərəfindən “Ateş Denizi” serialının çəkiliş meydançasında həyata keçirilib.
Məlumata görə, o, polisin müşayiəti ilə çəkiliş meydançasından aparılıb.
İstintaq prosedurlarına uyğun olaraq, polis Erdem Kaynarcanın şəxsi avtomobilində axtarış aparıb.
Yoxlama zamanı aktyorun avtomobilində və ya üzərində heç bir qadağan olunmuş maddə aşkar edilməyib.
Axtarış başa çatdıqdan sonra məşhur aktyor hüquqi prosedurları həyata keçirmək və rəsmi ifadə vermək üçün polis idarəsinə aparılıb.
Məlumata görə, o, dindirildikdən sonra sərbəst buraxılıb.
Nə prodüser şirkəti, nə də aktyorun idarəetmə agentliyi məsələ ilə bağlı hələlik rəsmi açıqlama verməyib.
Hadisə ilə əlaqədar serialın çəkilişləri bir həftə müddətinə dayandırılıb.
Tətbiqimizi yükləyə bilərsiniz
