Fransa millisinin hücumçusu Kilian Mbappe millidə vurulan qolların sayına görə Olivye Jirunu geridə qoyaraq rekorda imza atıb.
Yeniavaz.com xəbər verir ki, hücumçu Dünya Kubokunun qrup mərhələsinin ilk oyununda Seneqala (3-1) qarşı iki qol vurub.
Bununla da, onun Fransa millisində vurduğu qolların sayı 58-ə çatıb. Mbappe bu nəticəni 99 oyunda əldə edib. Əvvəlki rekordun sahibi Olivye Jiru isə 57 qol vurub və bu nəticəyə 137 oyunda nail olub.
Qeyd edək ki, 27 yaşlı Mbappe 2024-cü ildən bəri “Real Madrid”də oynayır. Ötən mövsüm hücumçu 44 oyunda 42 qol vurub və 7 məhsuldar ötürmə edib. Mbappe “Real”la İspaniya Super Kubokunu və Qitələrarası Kuboku qazanıb. Fransa millisi ilə isə o, 2018-ci ildə Rusiyada keçirilən Dünya Kubokunda qızıl, 2022-ci ildə Qətərdə keçirilən Dünya Kubokunda isə gümüş medal qazanıb.
Tətbiqimizi yükləyə bilərsiniz
