“Rusiyanın əksər bölgələrində yanacaq çatışmazlığı müşahidə olunur”.
Yeniavaz.com xəbər verir ki, bu barədə “The Bell” qəzeti məlumat yayıb.
Bildirilib ki, şəxsi nəqliyyat vasitələri üçün yanacaq satışına məhdudiyyətlər Rusiyanın 53 bölgəsində, eləcə də Rusiya tərəfindən ilhaq edilmiş Ukrayna ərazilərində (Krım, qondarma Donetsk və Luqansk Xalq Respublikaları, Xerson və Zaporojye bölgələri) tətbiq edilib.
Ölkənin 18 bölgəsində 50 litrdən və ya bir dolu çəndən çox benzin satılmır. Oxşar məhdudiyyətlər ilhaq edilmiş Sevastopol, Krım, Xerson və Zaporojye bölgələri və qondarma Donetsk və Luqansk Xalq Respublikaları şəhərlərində də qeydə alınıb.
Ölkənin 11 bölgəsində xeyli sayda yanacaqdoldurma məntəqəsində yanacaq çatışmazlığı qeydə alınıb, lakin hələlik heç bir tutum məhdudiyyəti yoxdur.
May ayında Rusiyada neft hasilatı Ukraynanın Rusiyanın neft emalı zavodlarına və neft anbarlarına dron hücumlarının intensivləşməsi fonunda bir ildə ən aşağı səviyyəyə düşüb.
Tətbiqimizi yükləyə bilərsiniz
