Tatarıstandakı yanacaq istehsalçıları bəzi yanacaqdoldurma məntəqələrində benzin satışına məhdudiyyətlər tətbiq ediblər.
Yeniavaz.com xəbər verir ki, bu barədə Respublika hökumətinin mətbuat xidməti məlumat yayıb.
Bu tədbirin “süni həyəcandan qaçınmaq” və “sabit vəziyyətin təmin edilməsi” üçün görüldüyünü bildirib.
Qeyd edək ki, Tatarıstan Rusiyanın ikinci ən böyük neft istehsalçısıdır (Xantı-Mansi Muxtar Dairəsindən sonra) və emal həcminə görə ilk beş bölgə arasındadır. Respublikada bir neçə böyük neft emalı zavodu yerləşir.
Ukrayna ordusu müntəzəm olaraq Rusiyanın neft sənayesi obyektlərinə zərbələr endirir. May ayının sonlarında “Reuters” agentliyi Ukraynanın pilotsuz təyyarə hücumlarının Rusiyanın mərkəzindəki demək olar ki, bütün əsas neft emalı zavodlarını istehsalı dayandırmağa və ya azaltmağa məcbur etdiyini bildirib. Belqorod və Ryazan vilayətlərinin, Krasnodar diyarının və Rusiyanın bir çox digər bölgələrinin sakinləri əvvəllər yanacaqdoldurma məntəqələrində benzin və dizel çatışmazlığından şikayət ediblər. Bir çox bölgələr yanacaq satışına müxtəlif məhdudiyyətlər tətbiq edib. Xüsusilə, Moskvadakı əsas yanacaqdoldurma məntəqələri şəbəkələrində benzin kvotaları barədə məlumat verilib.
Tətbiqimizi yükləyə bilərsiniz
