Ermənistanda daha bir seçki məntəqəsinin nəticələri ləğv edildi

Ermənistan Mərkəzi Seçki Komissiyası (MSK) 12/13 saylı seçki məntəqəsində keçirilən parlament seçkilərinin nəticələrini ləğv edib.
Yeniavaz.com xəbər verir ki, bu barədə MSK-nın mətbuat xidməti məlumat yayıb.
“Bu seçki məntəqəsində seçki günü 8 nömrəli bülleten olmayıb. Qərara əsasən, 12/13 saylı seçki məntəqəsindəki seçicilərin sayı - 809 nəfər - ümumi qeyri-dəqiqlik sayı kimi qeydə alınıb. Seçki məntəqəsindən materiallar prokurorluğa göndərilib”, - mətbuat xidməti qeyd edib.
Qeyd edək ki, bundan əvvəl MSK iki seçki məntəqəsində seçki nəticələrinə əhəmiyyətli dərəcədə təsir göstərə biləcək qanun pozuntuları ilə əlaqədar nəticələri ləğv etmişdi.
Xatırladaq ki, Ermənistanda parlament seçkiləri iyunun 7-də keçirilib. MSK-nın ilkin məlumatlarına görə, Baş nazir Nikol Paşinyanın hakim Vətəndaş Müqaviləsi Partiyası bütün 2005 seçki məntəqəsindən səslərin 49,825%-ni alıb. İş adamı Samvel Karapetyanın “Güclü Ermənistan” bloku 23,281%, keçmiş prezident Robert Koçaryanın Ermənistan bloku isə 9,934% səs alıb. İş adamı Qaqik Tsarukyanın “Çiçəklənən Ermənistan” partiyası səslərin 3,996%-ni toplayaraq Ermənistan parlamentinə daxil ola bilməyib.
Seçkilərin iştirakı 58,97% təşkil edib.