Türkiyənin Cümhuriyyət Xalq Partiyasında (CHP) bu gün Bakı vaxtı ilə saat 14:00-da keçiriləcək kritik Partiya Məclisinin iclasından əvvəl Özgür Özəl müzakirələrə səbəb olacaq bir addım atıb.
Yeniavaz.com “Haberler.com”a istinadla xəbər verir ki, Özgür Özəlin komandasından Partiya Məclisinin 28 üzvü CHP Partiya Məclisindən istefa verib.
Partiya nizamnaməsinə görə, Partiya Məclisi üzvlərinin sayı ümumi üzvlərin sayının üçdə ikisindən (40-dan) aşağı düşərsə, 45 gün ərzində qurultay keçirilməlidir.
Hadisə mütləq etibarsızlıq qərarı ilə CHP sədrliyinə qayıdan Kamal Kılıçdaroğlunun 9 deputatı xaric etmək qərarı verdiyi və CHP-də tamamilə ləğv qərarı ilə başlayan idarəetmə böhranının gündən-günə dərinləşdiyi bir vaxtda baş verib.
Məlumata görə, Partiya Məclisinin Özələ yaxın olan 57 üzvündən 28-i istefa verib.
Digər tərəfdən, siyasi dairələrdə qurultay prosesi uğursuz olarsa və ya məhkəmə prosesi uzanarsa, Özgür Özəli dəstəkləyən millət vəkilləri, əyalət və rayon rəhbərləri və bəzi bələdiyyə başçılarının yeni siyasi qurum yaratmaq üçün işə başlaya biləcəkləri bildirilir. Bu məsələ ilə bağlı rəsmi açıqlamalar verilməsə də, partiya daxilindəki gərginlik səbəbindən bu ssenarilərin getdikcə daha yüksək səviyyədə müzakirə olunmağa başladığı qeyd olunur.
Qeyd edək ki, məhkəmə CHP-nin 4-5 noyabr 2023-cü il tarixlərində keçirilmiş 38-ci qurultayının nəticələrini ləğv edib, partiyanın sədri Özgür Özel vəzifəsindən kənarlaşdırılıb. CHP-nin sabiq lideri Kamal Kılıçdaroğlu isə qərar qətiləşənə qədər müvəqqəti olaraq sədr postuna bərpa edilib.
Tətbiqimizi yükləyə bilərsiniz
