Bu ilin əvvəlinə olan məlumata görə, Azərbaycanda 34 min 776 həkim fəaliyyət göstərib.
Yeniavaz.com açıqlanan rəsmi məlumatlara istinadən xəbər verir ki, ölkə üzrə əhalinin hər 10 min nəfərinə 33,9 həkim düşüb.
Qeyd edək ki, paytaxt Bakı bu sahədə ölkə üzrə orta göstəricini xeyli üstələyir. Belə ki, Bakı şəhərində 23 min 585 həkim çalışır və ölkədəki bütün həkimlərin 68%-i Bakı şəhərinin payına düşüb. Həmçinin paytaxtda hər 10 min nəfərə 100,1 həkim düşür.
Rayon və şəhərlər arasında ən yüksək göstərici Bakı şəhərinin Nəsimi rayonunda qeydə alınıb. Burada 6 min 443 həkim fəaliyyət göstərir və hər 10 min nəfərə 293,3 həkim düşür. Bu, ölkə üzrə orta göstəricidən təxminən 9 dəfə çoxdur.
Siyahıda ikinci yerdə Yasamal rayonu gəlir – 4 min 228 həkim (hər 10 min nəfərə 217,2). Hər 10 min nəfərə düşən həkim sayına görə, ilk beşliyi Səbail (155), Nərimanov (148) və Nizami rayonları (101,4) tamamlayır.
Bakıdan kənarda ən yüksək göstəricilərdən biri Naxçıvan şəhərində qeydə alınıb. Burada hər 10 min nəfərə 49,1 həkim düşür. Naftalan şəhərində bu rəqəm 48,6, Gəncə şəhərində isə 38,4 təşkil edir.
Ən aşağı göstərici isə Cəbrayıl rayonunda qeydə alınıb – burada cəmi 22 həkim var və hər 10 min nəfərə düşən həkim sayı 3-dür. Sonrakı yerlərdə Zəngilan (3,7), Lerik (4), Yardımlı (4,1), Sədərək və Qubadlı (4,3) qərarlaşıb.
İşğaldan azad edilən ərazilərdə də göstəricilər aşağı olaraq qalır. Məsələn, Xocalıda hər 10 min nəfərə 5,1, Kəlbəcərdə 6, Xankəndidə 6,8, Laçında isə 8,1 həkim düşür.
Şəhər və rayonlarda həkimlərin sayı belə olub:
Nəsimi rayonu – 6 443 həkim (Əhalinin hər 10 min nəfərinə 293,3)
Yasamal rayonu – 4 228 həkim (217,2)
Səbail rayonu – 1 582 həkim (155,0)
Nərimanov rayonu – 2 686 həkim (148,0)
Nizami rayonu – 1 889 həkim (101,4)
Xətai rayonu – 2 251 həkim (81,0)
Pirallahı rayonu – 103 həkim (54,7)
Binəqədi rayonu – 1 679 həkim (54,3)
Naxçıvan şəhəri – 482 həkim (49,1)
Naftalan şəhəri – 42 həkim (48,6)
Gəncə şəhəri – 1 272 həkim (38,4)
Sumqayıt şəhəri – 1 591 həkim (37,2)
Mingəçevir şəhəri – 368 həkim (35,6)
Qaradağ rayonu – 359 həkim (30,3)
Şirvan şəhəri – 253 həkim (29,4)
Suraxanı rayonu – 581 həkim (27,7)
Xəzər rayonu – 540 həkim (26,1)
Xocavənd rayonu – 30 həkim (24,0)
Zaqatala rayonu – 249 həkim (19,0)
Qax rayonu – 106 həkim (18,1)
Bərdə rayonu – 282 həkim (17,8)
Şəki rayonu – 313 həkim (16,9)
Qəbələ rayonu – 183 həkim (16,6)
Lənkəran rayonu – 367 həkim (16,1)
Qusar rayonu – 158 həkim (15,3)
Şəmkir rayonu – 335 həkim (15,3)
Salyan rayonu – 215 həkim (15,3)
Siyəzən rayonu – 63 həkim (14,9)
Tovuz rayonu – 255 həkim (14,3)
Qobustan rayonu – 67 həkim (14,0)
Yevlax rayonu – 173 həkim (13,2)
Göyçay rayonu – 155 həkim (13,0)
Balakən rayonu – 129 həkim (12,7)
Oğuz rayonu – 57 həkim (12,7)
Quba rayonu – 218 həkim (12,7)
Şuşa rayonu – 32 həkim (12,6)
Göygöl rayonu – 82 həkim (12,5)
Şamaxı rayonu – 132 həkim (12,3)
Tərtər rayonu – 94 həkim (12,3)
Xaçmaz rayonu – 214 həkim (12,2)
Ağsu rayonu – 68 həkim (8,3)
Şahbuz rayonu – 21 həkim (8,3)
Cəlilabad rayonu – 181 həkim (8,2)
Ağcabədi rayonu – 112 həkim (8,1)
Laçın rayonu – 62 həkim (8,1)
Babək rayonu – 62 həkim (7,9)
Culfa rayonu – 38 həkim (7,9)
Hacıqabul rayonu – 60 həkim (7,8)
Abşeron rayonu – 335 həkim (7,7)
Biləsuvar rayonu – 78 həkim (7,2)
Ordubad rayonu – 36 həkim (7,1)
Sabirabad rayonu – 130 həkim (7,1)
Şərur rayonu – 80 həkim (7,0)
Xankəndi şəhəri – 3 həkim (6,8)
Saatlı rayonu – 75 həkim (6,7)
İmişli rayonu – 88 həkim (6,6)
Astara rayonu – 72 həkim (6,3)
Ucar rayonu – 52 həkim (6,1)
Ağdam rayonu – 105 həkim (6,0)
Kəlbəcər rayonu – 44 həkim (6,0)
Füzuli rayonu – 74 həkim (5,6)
Gədəbəy rayonu – 54 həkim (5,3)
Xocalı rayonu – 8 həkim (5,1)
Kəngərli rayonu – 17 həkim (5,0)
Daşkəsən rayonu – 15 həkim (4,5)
Sədərək rayonu – 10 həkim (4,3)
Qubadlı rayonu – 16 həkim (4,3)
Yardımlı rayonu – 29 həkim (4,1)
Lerik rayonu – 35 həkim (4,0)
Zəngilan rayonu – 16 həkim (3,7)
Cəbrayıl rayonu – 22 həkim (3,0)
Elnur Əli
Tətbiqimizi yükləyə bilərsiniz
