“İran hər cür təhdid qarşısında qətiyyətlə dayanacaq” − Pezeşkian Trampa cavab verdi

İran Prezidenti Məsud Pezeşkian ABŞ Prezidenti Donald Trampın İranın infrastruktur obyektlərinin hədəfə alınması ilə bağlı təhdidlərinə münasibət bildirib.
Yeniavaz.com xəbər verir , bu barədə ölkə başçısı sosial şəbəkə hesabında yazıb.
Pezeşkian bildirib ki, İran hər cür təhdid qarşısında qətiyyətlə dayanacaq:
“Nəqliyyat şəbəkəsindən tutmuş elektrik və su sənayesinədək həyati əhəmiyyət daşıyan infrastruktur obyektlərin hədəfə alınması ilə bağlı təhdidlər güc göstəricisi deyil. Bu, bir xalqın iradəsi qarşısında acizliyin əlamətidir. İran öz mütəxəssislərinin bilik və bacarığına, milli birliyə və xalqın həmrəyliyinə arxalanaraq hər cür təzyiq və ya təhdid qarşısında qətiyyətlə dayanacaq”.