Ermənistanda Samvel Karapetyanın “Güclü Ermənistan” bloku İrəvanın Respublika Meydanında mitinq keçirib.
Yeniavaz.com xəbər verir ki, mitinqdən əvvəl partiya tərəfdarları İrəvanın mərkəzindən təxminən 10 km şimalda, Arabkir rayonunda yerləşən Müqəddəs Xaç Kilsəsindən yürüş təşkil ediblər.
Paytaxtın mərkəzində boş səhifələri olan nəhəng bir kitab qurulub. Burada insanlar “Səfərovun qarşısının alınması qanunu"nun qəbul edilməsini dəstəkləmək üçün toplaşıblar. Bu qanun layihəsi, ölkədə torpaq və daşınmaz əmlak əldə etməyi qadağan edən “Güclü Ermənistan” təşəbbüsüdür. "Güclü Ermənistan" hökumətin ilk iclasında bu qanun layihəsini təsdiqləyəcəyinə söz verir.
Meydandakı böyük ekranlarda süni intellektdən istifadə edərək hazırlanmış, 300.000 azərbaycanlının Ermənistana köçürülməsinin mənfi nəticələrini nümayiş etdirən və güzəşt siyasətinin potensial nəticələri barədə xəbərdarlıq edən video da nümayiş etdirilib.
Qeyd edək ki, Ermənistanda parlament seçkiləri 7 iyunda keçiriləcək. On altı partiya və iki blok iştirak edəcək.
Tətbiqimizi yükləyə bilərsiniz
