Cənubi Koreyada yerləşən “Samsung Electronics” şirkəti müvəqqəti olaraq Amerika “Meta Platforms”ı geridə qoyaraq qısa müddətə dünyanın ən böyük 10 korporasiyası siyahısına daxil olub.
Yeniavaz.com xəbər verir ki, bu barədə “Hankuk Gyeongjae” qəzeti “CompaniesMarketCap”ın məlumatlarına istinadən məlumat yayıb.
Çərşənbə axşamı qısamüddətli qiymət dalğalanmaları səbəbindən “Samsung Electronics” səhmləri 1,29% artaraq bazar kapitallaşmasını 1,535 trilyon dollara çatdırdı. Həmin vaxt “Facebook” və “İnstaqrama” sahib olan “Meta Platforms” şirkətinin bazar kapitallaşması 1,524 trilyon dollar idi və müvəqqəti olaraq 11-ci yerə düşdü.
Amerika şirkəti “Tesla” 1,561 trilyon dollarlıq bazar kapitallaşması ilə doqquzuncu yerdə idi. İlk beş şirkət Amerika “Nvidia” (5,434 trilyon dollar), “Alphabet” (4,513 trilyon dollar), “Apple” (4,498 trilyon dollar), “Microsoft” (3,420 trilyon dollar) və “Amazon” (2,810 trilyon dollar) şirkətləridir.
Tətbiqimizi yükləyə bilərsiniz
