Toronto polisi iki saxtakarı həbs edərək ölkə tarixində ən böyük saxta futbol formaları və mallarını müsadirə edib.
Yeniavaz.com xəbər verir ki, bu barədə “Reuters” məlumat yayıb.
Ontario ştatının Mississauga şəhərindəki bir anbarda polis 3,5 milyon Kanada dollarından (2,53 milyon dollar) çox dəyərində saxta mallar, o cümlədən Beynəlxalq Futbol Assosiasiyaları Federasiyasının, “Nike”, “Adidas” və “Puma”nın loqotipləri olan 16.000-dən çox saxta forma və bayraq, eləcə də iki saxta Dünya Kuboku müsadirə edib. Həbs olunanlara qarşı ittihamlar irəli sürülüb.
Qeyd edək ki, Dünya Kuboku 11 iyun - 19 iyul tarixlərində keçiriləcək. Turnirə ABŞ, Kanada və Meksika ev sahibliyi edəcək. Turnirdə ilk dəfə qırx səkkiz komanda yarışacaq.
Tətbiqimizi yükləyə bilərsiniz
