Acqarına qəhvə içmək, xüsusən də yuxusuzluq zamanı stress hormonu kortizolun səviyyəsini artırır ki, bu da sinir və ürək-damar sistemlərinə, eləcə də bütövlükdə orqanizmə mənfi təsir göstərir.
Yeniavaz.com xəbər verir ki, bu barədə Rusiyanın Piroqov Universitetinin Nevrologiya kafedrasının nevroloqu və dosenti İnna Filatova gazeta.ru-ya danışıb.
“Kofein kortizol səviyyəsini artıra bilər. Təsiri acqarına qəhvə içərkən, yuxusuzluq, xroniki stress kontekstində və yüksək dozada qəbul edildikdə daha aydın görünür. Bəzi xəstələrdə acqarına qəhvə içmək narahatlığı artıra, taxikardiyaya səbəb ola, vegetativ sinir sisteminin dəyişkənliyini pisləşdirə, qlütamatergik aktivləşməni artıra, yuxu keyfiyyətini poza və dolayı yolla xroniki stressi daha da şiddətləndirə bilər”, - həkim izah edib.
Onun sözlərinə görə, belə hallarda kofein bədənin stressə reaksiyasında və homeostazın qorunmasında əsas rol oynayan neyroendokrin sistemini pozur:
“Söhbət hipotalamik-hipofiz-böyrəküstü vəzi oxundan (HPA oxundan) gedir. Bu, ətraf mühit dəyişiklikləri, infeksiyalar, iltihab və toxuma zədələnməsi də daxil olmaqla, xarici və daxili stimullara uyğunlaşmanı asanlaşdırır. Kofein bu oxun üzərindəki yükü artırır ki, bu da mənfi simptomlara səbəb olur. Bundan əlavə, kofein miqren, narahatlıq pozğunluğu və yuxu pozğunluğu olan xəstələrin vəziyyətini pisləşdirə bilər”.
Tətbiqimizi yükləyə bilərsiniz
