Sevastopolda Aİ-92 və Aİ-95 benzinləri yalnız talonlarla satılacaq.
Yeniavaz.com xəbər verir ki, bu barədə yeni təyin olunmuş qubernator Mixail Razvojayev bildirib.
Onun sözlərinə görə, səhər saatlarında TES yanacaqdoldurma məntəqələrində yanacaq satışı davam edirdi, lakin bir neçə saat ərzində günlük limit tükənib.
Razvojayev benzinin talonlarla satılmasını hakimiyyət orqanlarının yanacaqdoldurma məntəqələrində yanacaq tədarükünü artırmasına imkan vermək üçün zəruri olan “müvəqqəti tədbir” adlandırıb. O əlavə edib ki, 20 litrlik yanacaq limiti qüvvədə qalır və həmçinin bidonlarda benzin satışına məhdudiyyət tətbiq olunur:
“Yanacaq təchizatındakı müvəqqəti fasilələrin bir çoxunuz üçün ciddi narahatlıq doğurduğunu çox yaxşı başa düşürəm. Yanacaqdoldurma məntəqələrində uzun növbələr görürəm. Mövcud çətinliklər təhlükəsizlik tədbirlərinin gücləndirilməsi və şəhərimizə yanacağın çatdırıldığı logistika marşrutlarının optimallaşdırılması zərurəti ilə əlaqədardır. Bunlar aradan qaldıracağımız müvəqqəti, lakin obyektiv çətinliklərdir”.
İlhaq edilmiş Krımın rəhbəri Sergey Aksyonov dünən elan edib ki, 31 maydan etibarən Aİ-95 benzini kuponlarla satılacaq və üstünlük bələdiyyə və sosial nəqliyyata veriləcək. Onun sözlərinə görə, normal vəziyyətə qayıtmaq 30 gün ərzində gözlənilir.
Tətbiqimizi yükləyə bilərsiniz
