“Örtüklər smartfon üçün düşmənə çevrilə bilər”

İsti havalarda adi qalın örtük smartfon üçün düşmənə çevrilə bilər. O, istiliyin yayılmasını əhəmiyyətli dərəcədə pisləşdirir və cihazın əlavə qızmasına səbəb olaraq batareyanın daha sürətli köhnəlməsini sürətləndirir.
Yeniavaz.com xəbər verir ki, bu barədə “RT”yə müsahibəsində Yeni Texnoloji Təşəbbüsün (NTİ) yeni materiallar və texnologiyalar üzrə eksperti Yevgeni Vişnevski danışıb.
“Örtük özü-özlüyündə akkumulyatoru (batareyanı) birbaşa korlamır, amma mütəmadi qızma batareyanın köhnəlməsini sürətləndirir və ümumilikdə cihaz üçün zərərlidir,” — deyə Vişnevski xəbərdarlıq edib.
Onun sözlərinə görə, problem xüsusilə telefon eyni anda bir neçə stress faktoruna məruz qalanda daha qabarıq olur:
birbaşa günəş şüaları altında qalanda;
enerji yığanda;
yüksək yüklənmə ilə işləyəndə (video çəkilişi, oyunlar, istidə naviqasiya və s.).

Belə şəraitdə qalın örtüklər, xüsusilə silikon və ya qalın plastikdən hazırlananlar, istiliyi saxlayan termoizolyasiya kimi fəaliyyət göstərir və onun təbii şəkildə yayılmasına mane olur.

Mütəxəssislər nə tövsiyə edir?
Yevgeni Vişnevski yay vaxtı nazik örtüyə keçməyi və ya ümumiyyətlə qoruyucu örtükdən imtina etməyi tövsiyə edir:
“Güclü qızma zamanı telefonu örtükdən çıxarmaq və günəşdən uzaqlaşdırmaq daha yaxşıdır — məsələn, kölgəyə və ya çantaya qoymaq.
Mütəmadi həddindən artıq qızma müasir smartfonların əsas “səssiz qatillərindən” biri hesab olunur”.