Rejissor Kristofer Nolan smartfondan istifadə etmədiyini və elektron poçt ünvanının olmadığını etiraf edib.
Yeniavaz.com xəbər verir ki, bu barədə o, “60 Dəqiqə” verlişində danışıb.
Nolan çoxlu çap məktubları aldığını, lakin onları heç vaxt ünsiyyət vasitəsi kimi görmədiyini deyib. O, həmçinin smartfonsuz yaşamağın getdikcə həyatı çətinləşdirdiyini qeyd edib.
“QR kodlarının geri qayıtması həyatı daha da çətinləşdirib. Səyahət edərkən qapaqlı telefon gəzdirirəm”, - rejissor bildirib.
Rejissordan qəsdən dünyanı özündən kənarda saxlayıb-saxlamadığı soruşulduqda, o, belə cavab verib:
“Mən sadəcə hamımızın əvvəllər yaşadığı kimi yaşayıram. Rəqəmsal olaraq bağlı qalmamağım üçün çox şanslıyam, amma həyat belədir”.
Tətbiqimizi yükləyə bilərsiniz
