Son bir ildə 19 tender udan şirkət sənədləri saxtalaşdırırmış

Azərbaycanda daha bir şirkət – “Kon-Lay Project” MMC (VÖEN – 1301807111) etibarsız təchizatçıların reyestrinə daxil edilib.
Yeniavaz.com xəbər verir ki, “Kon-Lay Project” MMC sənədləri saxtalaşdırdığı üçün bir il müddətində – 12.05.2026-cı ildən 12.05.2027-ci il tarixinədək satınalmalarda iştirak edə bilməyəcək.
Məlumat üçün bildirək ki, nizamnamə kapitalı 20 manat olan MMC 2008-ci ildə qeydiyyata alınıb. Hüquqi ünvanı Yasamal rayonu, Həsənbəy Zərdabi prospekti, ev 78, m. 20-də yerləşən MMC-nin qanuni təmsilçisi Həsənov Anar Əzimxan oğludur.
Onu da bildirək ki, “Kon-Lay Project” MMC əsasən yerli icra hakimiyyətlərinin keçirdiyi tender müsabiqələrində qalib olub.
Şirkət təkcə son bir il ərzində 370 min manat dəyərində 19 tender müsabiqəsini udub.

Elnur Əli