Qvardiola “Mançester Siti”dən gedir

İspaniyalı məşqçi Xosep Qvardiola cari mövsümün sonunda İngiltərənin “Mançester Siti” klubunun baş məşqçisi vəzifəsindən istefa verəcək.
Yeniavaz.com xəbər verir ki, bu barədə “Daily Mail” qəzeti məlumat yayıb.
Məlumata görə, mayın 24-də “Mançester Siti” İngiltərə Premyer Liqasının son oyununda “Aston Villa”nı qəbul edəcək.
Nəşrin məlumatına görə, klub artıq sponsorlarını məşqçi ilə qarşıdan gələn ayrılıq barədə məlumatlandırıb və rəsmi açıqlama “Aston Villa” ilə oyundan bir gün sonra mövsümün sonu avtobus paradında veriləcək.  
Qvardiolanın müqaviləsinin bitməsinə hələ bir il qalıb və o, başqa bir mövqedə klubda razılığa gələ bilər.
Qeyd edək ki, 55 yaşlı Qvardiola 2016-cı ildən bəri “Mançester Siti”nin sükanı arxasındadır. İspaniyalı məşqçi ilə klub on il ərzində 20 kubok qazanıb. Onun rəhbərliyi altında klub altı İngiltərə çempionluğu, beş İngiltərə Liqa Kuboku, üç İngiltərə Superkuboku və İngiltərə Kuboku, bir Çempionlar Liqası, bir UEFA Super Kuboku və bir FIFA Klublararası Dünya Kubokunu qazanıb.
Xatırladaq ki, bundan əvvəl Qvardiola İspaniyada “Barselona” və Almaniyada “Bavariya” komandalarına rəhbərlik edib və onlarla birlikdə üç ölkə çempionluğu, iki ölkə Kuboku, bir UEFA Super Kuboku və bir FIFA Klublararası Dünya Kubokunu qazanıb.
O, “Barselona”ya üç İspaniya liqası və bir İspaniya Super Kuboku, eləcə də, iki Kral Kuboku, Çempionlar Liqası, UEFA Super Kuboku və FIFA Klublararası Dünya Kuboku qazandırıb.
“Mançester Siti” hazırda İngiltərə Premyer Liqasının turnir cədvəlində ikinci yerdədir. O lider “Arsenal”dan iki xal geridə qalır. Komanda bu mövsüm İngiltərə Kubokunu və İngiltərə Liqa Kubokunu qazanıb.