Xorxe Jezus “Əl-Nəsr”dən gedir – “A Bola”

“Əl-Nəsr”in baş məşqçisi Xorxe Jesus çox güman ki, cari mövsümün sonunda komandadan ayrılacaq.
Yeniavaz.com xəbər verir ki, bu barədə “A Bola” qəzeti məlumat yayıb.
Məlumata görə, 71 yaşlı mütəxəssis artıq klub rəhbərliyini qərarı ilə bağlı məlumatlandırıb.
Deyilənə görə, Jesus Səudiyyə Ərəbistanındakı karyerasını başa vurmaq və karyerasını Avropada davam etdirmək üçün variantları nəzərdən keçirmək niyyətindədir.
Lakin mövsümün qalan hissəsində məşqçi yalnız komandanın məqsədlərinə diqqət yetirir və potensial işəgötürənlərlə danışıqlara başlamaq planı yoxdur.
“Əl-Nəsr” hazırda çempionluq uğrunda mübarizəsini davam etdirir və eyni zamanda Asiya Çempionlar Liqası 2-nin finalına hazırlaşır. Finalda o, Yaponiyanın “Qamba Osaka” komandası ilə qarşılaşacaq.
Digər tərəfdən, Jesusun may ayının sonunda Lissabonda “Fənərbağça” nümayəndələri ilə görüşü planlaşdırılır. Türkiyə klubu məşqçiyə bir mövsüm üçün təxminən 15 milyon avroluq müqavilə təklif etməyə hazırdır. Bu, onun məşqçilik karyerasının ən böyük razılaşması ola bilər.
Qeyd edək ki, Jezuş 2025-ci ildən “Əl-Nəsrə rəhbərlik edir.