ABŞ Kuba İnqilabının lideri Fidel Kastronun qardaşı, ordu generalı Raul Kastroya qarşı ittiham irəli sürməyə hazırlaşır.
Yeniavaz.com xəbər verir ki, bu barədə “Reuters” agentliyi ölkənin baş prokuroru vəzifəsini icra edən ABŞ Ədliyyə Nazirliyinin mətbuat katibinə istinadla məlumat yayıb.
Agentliyin qeyd etdiyi kimi, 94 yaşlı Kastroya qarşı mümkün ittihamların vaxtı hələ məlum deyil. Bunu etmək üçün Ədliyyə Nazirliyi böyük münsiflər heyətinin dəstəyini təmin etməlidir.
“CBS News” telekanalının məlumatına görə, ittihamlar 1996-cı ildə Kuba Hərbi Hava Qüvvələrinin Mayamidə yerləşən “Qurtuluş Qardaşları” mühacir təşkilatına məxsus iki təyyarəni vurduğu hadisə ilə əlaqəli ola bilər.
Məlumatda bu ilin əvvəlində ABŞ-nin Florida ştatındakı prokurorların iş üzrə istintaqı yenidən açdığı bildirilib.
Cümə axşamı ABŞ Mərkəzi Kəşfiyyat İdarəsinin direktoru Con Retkliff Kubaya səfər edib və orada Raul Kastronun nəvəsi Raul Qilyermo Rodriqes Kastro ilə görüşüb.
“Axios” mənbələrinə görə, kəşfiyyat rəisi Prezident Donald Trampdan Kubanın fundamental dəyişikliklər edəcəyi təqdirdə ABŞ-nin iqtisadi və təhlükəsizlik məsələləri üzrə ciddi əməkdaşlıq etməyə hazır olduğuna dair mesaj çatdırıb.
Martın 5-də Ağ Ev elan edib ki, Vaşinqton İrana qarşı hərbi əməliyyat başa çatdıqdan sonra Kuba ilə bağlı əlavə tədbirlər planı hazırlamağa başlamaq niyyətindədir. Fevralın 27-də isə Tramp ölkəsinin Kuba üzərində dostcasına nəzarət qura biləcəyini bildirib. Martın 13-də isə Kuba Prezidenti Miqel Dias Kanel Havana və Vaşinqtonun ikitərəfli fikir ayrılıqlarının dialoq yolu ilə həlli yollarını tapmaq məqsədilə danışıqlar apardığını əlavə edib.
Tətbiqimizi yükləyə bilərsiniz
