“Real” Kənan Yıldızı transfer etmək istəyir – KİV

“Real Madrid” “Yuventus”un türk yarımmüdafiəçisi Kənan Yıldızı transfer etməkdə maraqlıdır.
Yeniavaz.com xəbər verir ki, bu barədə “Tuttosport” nəşri məlumat yayıb.
Məlumata görə, Madrid klubu gələcəkdə oyunçu uğrunda mübarizədə üstünlük qazanacağına ümid edir.
Nəşrin məlumatına görə, klub rəhbərliyi türk oyunçunun mümkün transferi ilə bağlı uzun danışıqlar aparıb. Lakin Yıldız bu yaxınlarda Turin klubu ilə müqaviləsini uzatdığı üçün bu yay transferin baş tutması ehtimalı çox azdır.
Bununla belə, “Real Madrid” oyunçunun daha sonra klubdan ayrılmaq qərarına gələcəyi təqdirdə onun üçün prioritet variant barədə danışıqlar aparmağa çalışır.
Məlumata görə, həmçinin, Madrid klubunun oyunçuları da potensial müqavilənin bir hissəsi ola bilər. Nəşr potensial variantlar kimi Brahim Diası və Qonsalo Qarsiyanı göstərir.
Qeyd edək ki, Yıldız bu mövsüm bütün yarışlarda 46 oyunda iştirak edib, 11 qol vurub və 11 məhsuldar ötürmə edib.