“Həmkarlarım və mən bunu birmənalı şəkildə bildirmişik və indi bunu sizə yenidən deyirəm. Məndən açıq şəkildə eşitməyinizi istəyirəm: hantavirus növbəti koronavirus deyil”.
Yeniavaz.com xəbər verir ki, bunu Ümumdünya Səhiyyə Təşkilatının (ÜST) Baş direktoru Tedros Adhanom Qebreyesus “X” hesabında yazıb.
O bildirib ki, hazırda hantavirusdan qaynaqlanan ictimai sağlamlıq riski aşağı səviyyədə qalır:
“MV Hondius” gəmisində olan virus hantavirusun Andes ştamıdır. Bu ciddi bir virusdur. Üç nəfər həyatını itirib və ürəyimiz onların ailələri ilədir. Gündəlik həyatınızı yaşayan sizlər üçün risk aşağıdır. Bu, ÜST-nin qiymətləndirməsidir və biz bunu məsələyə səthi yanaşaraq demirik”.
Xatırladaq ki, Argentinadan Kabo-Verdeyə səyahət edən sərnişin gəmisində hantavirus virusu aşkar edilib. Yola düşdüyü 1 aprel tarixindən bəri gəmidə üç ölüm də daxil olmaqla, 7 hantavirus hadisəsi (2 təsdiqlənmiş və 5 şübhəli) aşkar edilib.
Bu hadisədən sonra hantavirusla bağlı müxtəlif ölkələrdə qabaqlayıcı tədbirlər görülüb, həmin gəmidə olmuş sərnişinlər karantinə götürülüb.
Tətbiqimizi yükləyə bilərsiniz
