“Real Madrid”in yarımmüdafiəçiləri Orelyen Tçuameni və Federiko Valverde mayın 7-si komandanın məşqi zamanı dava ediblər.
Yeniavaz.com xəbər verir ki, bu barədə “Marca” məlumat yayıb.
Dərc olunmuş məlumatlara görə, şahidlər hadisəni çox ciddi adlandırıblar. Dava əvvəldən şiddətlənib və bir neçə komanda oyunçusunun müdaxiləsi tələb olunub. Hadisə nəticəsində Valverde xəsarət aldığı üçün xəstəxanaya göndərilib.
Nəşr mənbələrə istinadən xəbər verir ki, mübahisə mayın 6-sı başlayıb. Oyun zamanı qayda pozuntusundan sonra eyni oyunçular bir-birini itələməyə başlayıblar. Mübahisə soyunma otağında davam edib. Lakin ardı olmayıb.
Bu ikinci hadisədən sonra soyunma otağında təcili iclas çağırılıb və heç bir oyunçunun məşq meydançasını tərk etməsinə icazə verilməyib. Komandanın əsas məqsədi bütün problemlərə son qoymaq və gərginliyin artmasının qarşısını almaq olub. Vəziyyət artıq klub rəhbərliyi arasında narahatlıq doğurur.
Tətbiqimizi yükləyə bilərsiniz
