Ağ Ev ABŞ Prezidenti Donald Trampı “Ulduz müharibələri” dastanının personajı kimi təqdim edib.
Yeniavaz.com xəbər verir ki, Trampın yeni şəkli Ağ Evin “X” sosial şəbəkə səhifəsində dərc edilib.
“Gücə ehtiyac duyulan qalaktikada Amerika həmişə keşikdədir. Ən doğru yol da budur”, - deyə şəkli müşayiət edən başlıqda deyilir.
Şəkildə Amerika lideri bir əlində dəbilqə, digər əlində isə Amerika bayrağı tutan Mandalorian kimi təsvir olunub.
Trampın çiynində orijinal “Mandalorian” televiziya serialından olan personaj Qroqunun olduğu çanta var.
O, həmçinin Körpə Yoda kimi də tanınır. Lakin o, Yoda deyil, sadəcə olaraq Cedi Ordeninin Böyük Ustadı ilə eyni növün üzvüdür.
İstifadəçilər şəklə həvəslə reaksiya veriblər və şəklin öz süni intellektləri tərəfindən yaradılan versiyalarını təklif ediblər.
Onların arasında ABŞ liderinin həyat yoldaşı Melaniya Tramp Şahzadə Leya, vitse-prezident C.D. Vens isə Kapitan Solo rolunda canlandırılıb.
Tətbiqimizi yükləyə bilərsiniz
