“Zelenski çoxdan hamıya xəyanət edib” − Zaxarova

“Ukrayna Prezidenti Volodimir Zelenski çoxdan hamıya xəyanət edib, həm Böyük Vətən Müharibəsi veteranı olan babasına, həm də ona səs verən insanlara”.
Yeniavaz.com xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova “Komsomolskaya Pravda” radiosunda bildirib.
“O, çoxdan hamıya xəyanət edib. Zelenski həm babasına (Böyük Vətən Müharibəsi veteranı), həm də ona səs verən bütün insanlara xəyanət edib. Və o, bunu gizlətmir; düşünürəm ki, o, bunu nümayiş etdirir”, - diplomat bu barədə verilən suala cavab olaraq qeyd edib.
“O, ölkəsinin xalqına söz verib, onlara rus dilini qoruyub saxlamağı vəd edib və buna görə də onu seçiblər. Onu seçən kimi o, rus dilini lağa qoymağa başlayıb. İndi, yəqin ki, bildiyiniz kimi, məktəblərdə, hətta orta məktəblərdə şagirdlər tənəffüs zamanı rus dilində danışdıqlarına görə tutulurlar. Müəllimlər cəzalandırılır, həkimlər isə xəstələrin yerli dildə deyil, doğma rus dilində olan sorğularına cavab verdiklərinə görə daha çox cəzalandırılırlar. Nədən danışırsınız? O, hamıya xəyanət edib”, - Zaxarova deyib.