ABŞ-nin Demokrat qanunvericiləri ABŞ Prezidenti Donald Trampın 1 maydan sonra Konqresin təsdiqi olmadan İrana qarşı hərbi əməliyyatları davam etdirəcəyi təqdirdə ona qarşı məhkəmə iddiası qaldırmaq imkanını araşdırırlar.
Yeniavaz.com xəbər verir ki, bu barədə “Time” jurnalı mənbələrə istinadla məlumat yayıb.
Nəşrin məlumatına görə, 1973-cü il tarixli Müharibə Səlahiyyətləri Qətnaməsinə əsasən, ABŞ prezidenti xarici döyüş zonalarına qoşunların yeridilməsindən iki gün əvvəl Konqresə məlumat verməlidir.
Onların sözlərinə görə, qanunvericilərin razılığı olmadan ABŞ prezidenti onlardan 60 gündən çox olmayaraq istifadə edə bilər. ABŞ qoşunlarının münaqişə zonasından təhlükəsiz şəkildə çıxarılması üçün zəruri olarsa, bu müddət 30 gündən çox olmayaraq uzadıla bilər.
Nəşrin qeyd etdiyi kimi, Tramp 2 martda Konqresi İrana qarşı hərbi əməliyyatların başlanması barədə rəsmi olaraq məlumatlandırıb. Yəni, bu halda Ağ Ev rəhbərinin əməliyyatı 1 maya qədər qanunvericilik təsdiqi olmadan davam etdirmək seçimi var.
“Time” qəzetinin məlumatına görə, ABŞ Nümayəndələr Palatasının və Senatının Demokrat üzvləri hesab edirlər ki, yaxınlaşan 60 günlük müddət onlara qanunsuz olaraq başlandığına inandıqları müharibəyə etiraz etmək üçün ən yaxşı şansı verə bilər.
Jurnal qeyd edir ki, məhkəmə iddiası qaldırmaqla bağlı müzakirələr hələ ilkin mərhələdədir, lakin hərbi əməliyyatlar 1 maydan sonra davam edərsə, proses daha da güclənə bilər.
Tətbiqimizi yükləyə bilərsiniz
