Amerikalı milyarder İlon Mask “X” platformasının ekosisteminin bir hissəsi olacaq yeni maliyyə xidmətini - “X Money”i təqdim etməyə hazırlaşır.
Yeniavaz.com xəbər verir ki, bu barədə “Bloomberg” agentliyi məlumat yayıb.
Məlumata görə, tətbiqin aprelin sonuna qədər ABŞ-də istifadəyə verilməsi gözlənilir.
Tətbiq istifadəçilərə komissiyasız köçürmələr, müəyyən kateqoriyalar üzrə 3%-ə qədər keşbek və illik 6%-ə qədər qalıqlar üzrə faiz təklif edəcək.
Xidmətdə həmçinin şəxsi maliyyə idarəetməsi üçün süni intellekt konsyerji də olacaq.
Bundan əlavə, “X Money” Visa ödəniş sistemi əsasında metal bank kartının buraxılışını təmin edir.
Layihə Maskın rabitə və maliyyə xidmətlərini birləşdirən “super tətbiq” yaratmaq strategiyasını davam etdirir.
Lakin şirkət hələ də Nyu-York da daxil olmaqla bir sıra ABŞ ştatlarında lazımi lisenziyaları almayıb ki, bu da xidmətin miqyasını ləngidə bilər.
Qeyd edək ki, Sahibkar əvvəllər “PayPal”ın həmtəsisçisi kimi ödəniş sənayesinin inkişafına töhfə verib.
Tətbiqimizi yükləyə bilərsiniz
