“Toyota” 2025-ci ildə rekord həddə avtomobil satdı

Yaponiyanın “Toyota Motor” avtomobil korporasiyası 2025 maliyyə ilində (31 mart 2025-ci ildə başa çatıb) 10,47 milyon avtomobil satıb.
Yeniavaz.com xəbər verir ki, bu barədə şirkət məlumat yayıb.
Məlumata görə, bununla da, “Toyota” son iki ildə ilk dəfə yeni satış rekordu vurub.
Yapon analitiklərinin fikrincə, ABŞ Prezidenti Donald Tramp administrasiyası tərəfindən tətbiq edilən ticarət tarifləri də daxil olmaqla müxtəlif problemlərə baxmayaraq, satışlar rekord səviyyədə olub. Yaxın Şərqə ixrac həcminin kəskin azalması da rekord göstəriciyə mane olmayıb.
ABŞ və İsrailin hücumlarından sonra İran ətrafında gərginliyin artması ilə əlaqədar bu rəqəm mart ayında 46,4% azalıb.
“Toyota”nın 2025-ci maliyyə ilində qlobal satışları 2% artıb. Lakin Yaponiyada satışlar 2% azalaraq 1,48 milyon ədədə çatıb. Xaricdə isə satışlar 2,7% artaraq 9 milyon ədəd təşkil edib.