Pentaqon rəsmiləri İrana qarşı müharibədə ABŞ-yə kömək etmək istəmədiklərinə görə NATO müttəfiqlərini cəzalandırmaq variantlarını müzakirə edirlər.
Yeniavaz.com xəbər verir ki, bu barədə “Reuters” agentliyi mənbəyə istinadla məlumat verib.
Məlumata görə, təklif olunan variantlar arasında İspaniyanın NATO üzvlüyünün dayandırılması var.
Agentliyin məlumatına görə, bu fikirlər yüksək rütbəli rəsmilər arasında yayılmış bir memorandumda öz əksini tapıb. Agentlik onun müəllifini göstərməsə də, memorandumda bəzi NATO müttəfiqlərinin İran kampaniyasının bir hissəsi olaraq döyüş tapşırıqlarını yerinə yetirərkən Amerika Hərbi Hava Qüvvələrinin öz ərazilərindəki bazalardan istifadəsinə mane olmasından məyusluq ifadə olunur.
Agentliyin mənbəyinə görə, Pentaqon tərəfindən nəzərdən keçirilən tədbirlər NATO müttəfiqlərinə avropalılar arasında imtiyaz hissini zəiflətmək məqsədi ilə açıq bir siqnal göndərmək məqsədi daşıyır. Məsələn, İrana qarşı müharibənin ən sərt tənqidçisi olan İspaniyanın üzvlüyünün dayandırılması ABŞ hərbi əməliyyatları üçün məhdud nəticələrə səbəb olsa da, əhəmiyyətli simvolik təsirə malik olacağına inanır. Ancaq memorandumda ABŞ-nin İspaniyanın üzvlüyünün dayandırılmasına necə nail olacağı göstərilmir.
Qeyd edək ki, bir gün əvvəl “Politico” qəzeti də ABŞ administrasiyasının İranla müharibədə ABŞ-ni dəstəkləməkdən imtina edən NATO ölkələrinin qara siyahısını tərtib etdiyini və onları cəzalandırmağın yollarını axtardığını bildirmişdi. Lakin hansı cəzaların tətbiq oluna biləcəyi barədə məlumat verilməmişdi.
Tətbiqimizi yükləyə bilərsiniz
