İki İsrail hərbçisi İrana casusluq etməkdə şübhəli bilinir

İsraildə iki hərbçi İrana casusluq etməkdə şübhəli bilinir.
Yeniavaz.com xəbər verir ki, bu barədə “Kan 11” telekanalı məlumat yayıb.
Məlumata görə, onlardan birinin 19, digərinin isə 21 yaşı var.
Telekanalın məlumatına görə, yaxın günlərdə onlara qarşı ittihamlar irəli sürüləcək.
Hər iki şübhəli Tel Nof Aviabazasında F-15 qırıcı təyyarələrinin texniki işçiləri kimi xidmət edib. Onlar müharibə zamanı düşmənə kömək etməkdə ittiham olunurlar və şübhəlilərdən biri dövlətə xəyanət ittihamı ilə nəzərdən keçirilir.
Müstəntiqlərin sözlərinə görə, şübhəlilər İran agentinin təlimatları ilə hərəkət ediblər: onlar keçmiş Baş Qərargah rəisi Herzi Halevi və Milli Təhlükəsizlik naziri İtamar Ben-Qvir haqqında məlumat toplayıblar.
Onlar F-15 təyyarələrinin mühərriklərinin sxemlərini, eləcə də uçuş təlimatçısını müəyyən edə biləcək fotoşəkillər təqdim ediblər.
“Kan-11”ə görə, daha səkkiz hərbçi təqsirləndirilən şəxslərin fəaliyyəti barədə məlumatlı olmaqda, lakin bu barədə məlumat verməməkdə şübhəli bilinir.