Şahzadə Harri Kiyevə getdi

Böyük Britaniya şahzadəsi Harri Kiyevə gözlənilməz səfərə gəlib.
Yeniavaz.com xəbər verir ki, bu barədə Kiyev Təhlükəsizlik Forumunun mətbuat xidməti məlumat yayıb.
“Şahzadə Harri Kiyev Təhlükəsizlik Forumunun dəvəti ilə Ukraynaya gəlib”, - forumun “Facebook” səhifəsində bildirilib.
Şahzadənin tədbir iştirakçıları qarşısında çıxış etməsi planlaşdırılır. Onun Ukraynaya son səfəri 2025-ci ilin sentyabr ayında olub.
Qeyd edək ki, şahzadə Harri və həyat yoldaşı Meqan Markl 31 mart 2020-ci ildə Britaniya kral ailəsinin yüksək vəzifəli üzvləüyündən çıxdılar. O vaxtdan bəri cütlük səfərlərdə monarxı rəsmi olaraq təmsil etmək, digər mərasim vəzifələrini yerinə yetirmək və ya Əlahəzrətləri titulundan istifadə etmək imkanını itiriblər. Onlar ABŞ-yə köçüblər və Kaliforniyanın Santa Barbara şəhərində ev alıblar.