Bu ilin ilk rübünün yekununa olan məlumata görə, Azərbaycanda fəaliyyət göstərən banklar tərəfindən 16 milyard 178,9 milyon manat istehlak krediti verilib.
Yeniavaz.com xəbər verir ki, banklar tərəfindən verilən istehlak kreditlərinin yarıdan çoxu – 8 milyard 274,1 milyon manatı 3 bankın – “Kapital Bank”, “Paşa Bank” və Azərbaycan Beynəlxalq Bankının (ABB) payına düşüb.
Ən çox istehlak krediti verən bank ABB olub. Belə ki, bu bank 1 aprel tarixinə kimi 3 milyard 526,8 milyon manat istehlak krediti verib və bu göstərici son 3 ayda 0,5% azalıb.
Ən az istehlak krediti verən bank isə İran Milli Bankının Bakı fililalı olub. Bu bank cəmi 1,5 milyon manat istehlak krediti ayırıb.
Qeyd edək ki, son 3 ayda istehlak kreditlərini ən çox artıran bank “AFB Bank” olub. Bu bankın istehlak kreditləri son 3 ayda 17,5% artıb. İstehlak kreditləri ən çox azalan bank isə “Bank Avrasiya” olub. Bu bankın istehlak kreditləri son 3 ayda 7,8% azalıb.
Azərbaycanda fəaliyyət göstərən banklar tərəfindən verilən istehlak kreditləri belə olub:
| Banklar | İstehlak kreditləri (milyon manat) |
| ABB | 3 526.8 |
| PAŞA Bank | 3 015.1 |
| Kapital Bank | 1 732.3 |
| Bank Respublika | 1 087.1 |
| Xalq Bank | 1 040.4 |
| AccessBank | 1 019.5 |
| Ziraat Bank Azərbaycan | 702.5 |
| Yelo Bank | 671.6 |
| Unibank KB | 622.5 |
| Rabitəbank | 417.6 |
| Premium Bank | 364.0 |
| TuranBank | 352.8 |
| Azərbaycan Sənaye Bankı | 349.8 |
| Yapı Kredi Bank Azərbaycan | 331.1 |
| Azər Türk Bank | 276.4 |
| Expressbank | 201.0 |
| AFB Bank | 186.7 |
| Bank of Baku | 156.5 |
| Bank VTB (Azərbaycan) | 72.5 |
| Bank Avrasiya | 51.2 |
| Bank Melli İran Bakı filialı | 1.5 |
Elnur Əli
Tətbiqimizi yükləyə bilərsiniz
