Simeone “Çelsi”nin baş məşqçisi vəzifəsinə əsas namizəddir – “The Sun”

“Atletiko Madrid”in baş məşqçisi Dieqo Simeone “Çelsi”nin baş məşqçisi vəzifəsinə əsas namizəddir.
Yeniavaz.com xəbər verir ki, bu barədə “The Sun” qəzeti məlumat yayıb.
Nəşrin məlumatına görə, “Çelsi”nin hazırkı baş məşqçi Liam Rosenyorla müqaviləsi 2032-ci ilə qədərdir.
Nəşrin yazdığına görə, klub rəhbərliyinin Rosenyoru dəstəkləməsinə baxmayaraq, “Çelsi”də onun gələcəyi ilə bağlı şübhələr artır. Bu, digər amillərlə yanaşı, gələn mövsüm Çempionlar Liqası heyətini itirmək riski ilə bağlıdır.
Digər tərəfdən, Simeonenin cari mövsümün sonunda İspaniya klubundan ayrılacağı bildirilir.
55 yaşlı Simeone 2011-ci ildən bəri “Atletiko Madrid”ə rəhbərlik edir. Onun rəhbərliyi altında klub iki İspaniya titulunu (2014, 2021), Kral Kubokunu (2013), iki dəfə Avropa Liqasını (2012, 2018) qazanıb və iki dəfə Çempionlar Liqasının finalına yüksəlib (2014, 2016).
"Çelsi" isə İngiltərə çempionatında 33 oyundan 48 xalla 6-cı yerdədir.