Yaxın Şərqdəki münaqişə fonunda neft hasilatı planlarının yerinə yetirilməməsi səbəbindən dünya iqtisadiyyatı 50 milyard dollardan çox itki ilə üzləşib.
Yeniavaz.com xəbər verir ki, bu barədə “Reuters” agentliyi “Wood Mackenzie” və “Kpler” analitiklərinə istinadla məlumat yayıb.
“Kpler”in hesablamalarına görə, fevral ayının sonundan bəri qlobal bazardan 500 milyon bareldən çox xam neft və kondensat çıxarılıb. Analitiklərin fikrincə, bu, müasir tarixdə qlobal enerji təchizatında ən böyük fasiləni təmsil edir.
Ekspertlər qeyd edirlər ki, böhranın nəticələri bir neçə ay və hətta illərlə hiss oluna bilər.
“Wood Mackenzie” şirkətinin analitiki İan Moatın sözlərinə görə, bu cür həcmlərin itirilməsi qlobal aviasiya tələbatının 10 həftəsi və ya qlobal miqyasda avtomobil trafikinin 11 günlük dayandırılması ilə müqayisə edilə bilər.
Tətbiqimizi yükləyə bilərsiniz
