“Tramp boğazı” fikrini bəyənmədilər” − Tramp

ABŞ Prezidenti Donald Tramp Hörmüz boğazının adının “Tramp boğazı” adlandırıla bilməməsindən təəssüfləndiyini bildirib.
Yeniavaz.com xəbər verir ki, Tramp bunu “Fox Business”ə verdiyi müsahibədə deyib.
“Onu Hörmüz boğazı və ya boğaz Hörmüz adlandıra bilərsiniz. Mən soruşdum ki, “Hansı daha yaxşıdır?” Onlar dedilər ki, “Hər ikisi uyğundur”. Tək deyə bilməyəcəyiniz ad “Tramp boğazıdır”. Onlar bu fikri bəyənmədilər”, - Tramp bildirib.
Müsahibə zamanı o, həmçinin Avropanın miqrasiya siyasətini tənqid edərək onu “dəhşətli” adlandırıb və Romanın İranla bağlı vəziyyətdə ABŞ-yə kömək etməkdən imtina etməsi səbəbindən İtaliyanın Baş naziri Corciya Meloni ilə münasibətlərin pisləşdiyini qeyd edib.