ABŞ-nin İrana qarşı hərbi əməliyyat xərcləri 51 milyard dolları keçdi

İrana qarşı hərbi əməliyyat xərcləri ABŞ üçün təxminən 51,2 milyard dollar təşkil edib.
Yeniavaz.com xəbər verir ki, bu barədə “Iran War Cost Tracker” portal məlumat yayıb.
Məlumata görə, portal Pentaqonun 10 martda ABŞ Konqresi üçün keçirdiyi brifinqdən əldə etdiyi məlumatlara əsaslanıb.
Brifinqdə bildirilib ki, Vaşinqton Yaxın Şərqdəki döyüş əməliyyatlarının ilk altı günündə 11,3 milyard dollar xərcləyib və münaqişənin sonrakı hər günü üçün təxminən 1 milyard dollar xərcləməyi planlaşdırır.
Portalın məlumatına görə, bu rəqəmə qoşunların köçürülməsi və hərbi texnikanın bərpası kimi müəyyən xərclər daxil olmaya bilər. Buna görə də, faktiki xərclər xeyli yüksək ola bilər.