İsrail və Livan arasında birbaşa danışıqlar başladı − 1993-cü ildən ilk dəfə

Vaşinqtonda İsrail və Livan nümayəndələri arasında danışıqlar başlayıb.
Yeniavaz.com xəbər verir ki, bu barədə “The Times of Israel” məlumat yayıb.
Bildirilib ki, bu, 1993-cü ildən bəri ölkələr arasında ilk birbaşa danışıqlardır.
İsrail və Livanın ABŞ-dəki səfirləri Yehiel Leyter və Nada Hamade arasında keçirilən görüş, bu ölkələrin nümayəndələri arasında münasibətlər tarixində ən yüksək səviyyəli şəxsi təması qeyd edir.
“Axios” qəzetinin jurnalisti Barak Ravid onların ABŞ dövlət katibi Marko Rubio ilə birlikdə çəkdirdiyi şəklini dərc edib. Vaşinqton danışıqlarda vasitəçilik edir.
İsrail danışıqlardan İranpərəst Livan qrupu “Hizbullah”ın tərksilah edilməsini müzakirə etmək və Livanla dinc münasibətlər qurmaq üçün istifadə etmək niyyətindədir. Ölkələr 1948-ci ildə İsrailin yaranmasından bəri rəsmi olaraq müharibə vəziyyətindədirlər.