İran beş ölkədən kompensasiya tələb edir

İran beş ərəb ölkəsindən ona qarşı müharibədə İsrail və ABŞ ilə şərik olduqları üçün kompensasiya tələb edib.
Yeniavaz.com “Tasnim” agentliyinə istinadla xəbər verir ki, bu barədə İranın BMT-dəki daimi nümayəndəsi Əmir Səid İrəvani bildirib.
“Bəhreyn, İordaniya, Qətər, Birləşmiş Ərəb Əmirlikləri və Səudiyyə Ərəbistanı qanunsuz hərəkətləri nəticəsində İrana dəyən fiziki və mənəvi ziyanı tam şəkildə ödəməlidirlər”, - diplomat qeyd edib.
İrəvani həmçinin qeyd edib ki, yuxarıda adı çəkilən dövlətlər İsrail və ABŞ-nin İrana qarşı müharibəsində şəriklərinə çevriliblər və bununla da İran qarşısındakı öhdəliklərini pozublar.
Daimi Nümayəndə İran tərəfinin ərəb ölkələrinin hansı konkret hərəkətlərini münaqişədə şəriklik hesab etdiyini dəqiqləşdirməyib.