Bakının mərkəzi prospektlərindən birində sabahdan hərəkət məhdudlaşdırılacaq. "Yeniavaz.com" “Azəravtoyol” ASC-nin Mətbuat Katibliyinə istinadən xəbər verir ki, aparılacaq təmir işləri və yüksək gərginlikli elektrik xətlərinin dəyişdirilməsi ilə əlaqədar olaraq 18 və 19 yanvar tarixlərində gecə saat 01:00-dan 03:00-a qədər Moskva prospektində avtonəqliyyat vasitələrinin hərəkəti tam olaraq məhdudlaşdırılacaq. Məhdudlaşdırma həm əsas yolda (tunel), həm də köməkçi yolarda (Şamaxinka) tətbiq ediləcək. Aparılacaq qısa müddətlik təmir işləri zamanı sürücülər alternativ olaraq Bakı Dairəvi-1 avtomobil yolundan və ya Biləcəri qəsəbəsinin əsas yolundan istifadə edərək şəhərə daxil ola bilərlər. Yarana biləcək narahatlığa görə, “Azəravtoyol” ASC vətəndaşlardan üzr istəyir.
Tətbiqimizi yükləyə bilərsiniz
