Türkiyənin Muğla şəhərinin Marmaris rayonundakı bir restorana atəş açmaqda şübhəli bilinən azərbaycanlılar E.C. və A.K. saxlanılıb.
Yeniavaz.com Türkiyə KİV-ə istinadla xəbər verir ki, restoranın pəncərələrinə və divarlarına çoxsaylı güllələr dəysə də, hadisə nəticəsində xəsarət alan olmayıb.
Hadisə yerindən qaçan şübhəlilər polis tərəfindən saxlanılıb.
Həmçinin, şübhəlilərin hadisə yerindən qaçarkən atdıqları silahlar polis tərəfindən aşkar edilib.
Faktla bağlı araşdırma başladılıb, şübhəlilər barəsində həbs qətimkan tədbiri seçilib.
Tətbiqimizi yükləyə bilərsiniz
