Hakimi “Real Madrid”ə keçmək istəyir − KİV

PSJ-nin müdafiəçisi Əşrəf Hakimi “Real Madrid”ə keçməyə hazırlaşır.
Yeniavaz.com xəbər verir ki, bu barədə jurnalist Ramon Alvarez de Mon sosial şəbəkə hesabında məlumat yayıb.
Mənbənin məlumatına görə, 27 yaşlı mərakeşli sağ cinah müdafiəçisi ailəsinə Madrid klubu ilə müqavilə imzalamaq üçün əlindən gələni etməyə hazır olduğunu bildirib. Hakimi uşaqlıqdan bəri “Real Madrid” azarkeşidir və PSJ ilə uzunmüddətli müqaviləsinə baxmayaraq, doğma klubuna qayıtmaq istəyir. Hakimi 2015-ci ildən 2018-ci ilə qədər klubda oynayıb.
Qeyd edilib ki, PSJ-nin Hakimini satmaq planı yoxdur, amma oyunçu ayrılmaqda israr edərsə, klub transferi nəzərdən keçirə bilər. Hakimi 2021-ci ildə 68 milyon avroya PSJ-yə transfer olunub.