Daha altı ölkə İranın İslam İnqilabı Keşikçiləri Korpusunu (SEPAH) terror təşkilatı kimi tanıyıb.
Yeniavaz.com “İran İnternational”a istinadən xəbər verir ki, bu barədə İsrail xarici işlər naziri Gideon Saar məlumat yayıb.
Bildirilib ki, bu ölkələr siyahısına İslandiya, Moldova, Bosniya və Herseqovina, Monteneqro, Şimali Makedoniya və Lixtenşteyn daxildir.
Qeyd olunur ki, Ukrayna və Albaniya əvvəllər oxşar tədbirlər görüblər.
SEPAH-ı terror təşkilatı kimi tanımaq aktivlərin dondurulmasını, maliyyə əməliyyatlarının qadağan edilməsini və əlaqəli şəxslərə səyahət məhdudiyyətlərinin tətbiq edilməsini nəzərdə tutur.
Tətbiqimizi yükləyə bilərsiniz
