“Louis Vuitton” 250 avroya yeməli “çanta” buraxır − 490 manat

“Louis Vuitton” builki Pasxa bayramı üçün məşhur qənnadçı Maksim Frederik ilə əməkdaşlıqda yaradılmış “Sac Œuf Jaune” təqdim edib.
Yeniavaz.com xəbər verir ki, bu unikal şirniyyat Parisdə keçirilən eksklüziv “La Collection de Pâques” 2026 kolleksiyasında nümayiş etdirilib.
“Şokolad çantası” Nikola Jeskyer tərəfindən 2019-cu ilin Yaz/Yay kolleksiyası üçün yaradılan ikonik çantanın yeməli variantıdır.
1050 qram ağırlığında olan bu sənət əsəri yüksək moda və yüksək kulinariya dünyalarını birləşdirir: hər detal dəqiqliklə hazırlanır.
Çanta, hər birində qovrulmuş qoz-fındıq, şəkərli meyvə və zəngin fındıq pralini qarışığı olan iki tünd şokolad yarısından ibarətdir. Tutacaqlar və “zamok”lar rəngli ağ şokoladdan hazırlanıb, mərkəzdə isə fındıq pralini və limonlu karamel içliyi olan süd şokoladının mərkəzi gizlənir. Çanta 31% tünd şokolad, 20% süd şokoladı və 17% qovrulmuş fındıq, qızardılmış pekan qozu, şəkərlənmiş portağal qabığı və bir az “fleur de sel” notları ilə tamamlanır.
“Sac Œuf Jaune” 250 avroya (490 manat - red.) yalnız Parisdəki “Le Chocolat Maxime Frédéric”də satılır.