Yaxın Şərqdəki münaqişə iyun ayına qədər davam edərsə, dünyada aclıqdan əziyyət çəkən insanların sayı 45 milyon artaraq tarixi rekorda çata bilər.
Yeniavaz.com xəbər verir ki, bunu BMT-nin Ümumdünya Ərzaq Proqramının (ÜƏP) icraçı direktorunun müavini Karl Skau bildirib.
“Təhlillərimiz göstərir ki, Yaxın Şərqdəki münaqişə iyun ayına qədər davam edərsə, qiymətlərin artması əlavə 45 milyon insanı kəskin aclığa sürükləyə bilər. Bu, qlobal aclığı rekord səviyyəyə çatdıracaq və bu, dəhşətli bir perspektivdir”, - o, Cenevrədə keçirilən mətbuat brifinqində bildirib.
Skau qeyd edib ki, dünyada 319 milyon insan artıq kəskin qida təhlükəsizliyindən əziyyət çəkir. O əlavə edib ki, bu o deməkdir ki, iyun ayına qədər bu rəqəm 360 milyonu keçə bilər.
Tətbiqimizi yükləyə bilərsiniz
