“İrana imkan vermək olmaz, çünki bu ölkə həm terror fəaliyyəti, həm də hərbi güc baxımından çox təhlükəlidir. Son iki həftədə baş verən hadisələr bunu açıq göstərdi. Onlar Yaxın Şərqin digər ölkələrinə hücum etməməli idilər, amma raketlərini həmin ölkələrə yönəltdilər”.
Yeniavaz.com xəbər verir ki, bunu ABŞ Prezidenti Donald Tramp Kennedi Mərkəzinin İdarə Heyətinin üzvləri ilə naharda çıxış edərkən deyib.
“Nəticədə Qatar, Səudiyyə Ərəbistanı, Birləşmiş Ərəb Əmirlikləri, Bəhreyn və Küveytə zərbələr endirdilər. Bu, hamı üçün gözlənilməz oldu və biz də buna görə şok yaşadıq.
Digər tərəf isə cavab verdi. Onlar geri çəkilə bilərdilər, amma bunu etmədilər. Təsəvvür edin ki, əgər biz orada olmasaydıq, vəziyyət çox daha ağır ola bilərdi. İranın çox böyük hərbi potensialı var idi — minlərlə raket və dron. Biz onların əksəriyyətini zərərsizləşdirdik. Onlar isə hər yerdə dron və raket istehsal edirdilər”, - Tramp bildirib.
Tətbiqimizi yükləyə bilərsiniz
